東京大眾酒場 (已結業)

呢間東京大眾酒場 同另一間有少少唔同可能位置唔同舖租唔同，呢間嘅定價平少少， 另外佢冇買魚生壽司專做燒物串燒同熟食。舖頭裝修好日本風，有好多日式燈籠同banner掛係度，電視播住日本節目，入到去好似去左東京咁😂😂😂一入舖頭，佢有一個關東煮counter，如果想落order就行去嗰度叫，好似食車仔面咁。我叫左蘿白，牛筋，日本魚蛋，足輪，等等。。佢個湯底唔會太咸，同d食物好夾。d食物幾優質，牛筋都炆得淋同埋一串有好多粒，蘿白好大舊同好入味。推介!另外我地叫左美人鍋， 窩入面有雞、金菇、豆腐、菜，好大鍋好足料丫😆😆 煲左一陣就會落埋個烏冬。由於湯底好濃郁，個烏冬索左d湯後好正好好食。我地仲叫左白桃soda，都幾好味。