影片
更多
2023-11-12
55 瀏覽
好耐冇嚟大角咀，今日同朋友過嚟行下，順便吃頓午餐，揀咗利奧坊呢間新開嘅多國菜餐廳「Macroonies」。餐廳主打意大利菜同美國菜，門面以落地玻璃作設計，內部裝修型格，座位編排唔會好迫，有適當距離，坐得都幾舒服。原來店名係源自英文「My Crony」，解作「我的親朋好友」，把客人當成親戚朋友招待，人情味滿滿，誠意可嘉！我哋點咗自家秘製雞翼 ($68) 同 兩個 Signature Lunch，午餐奉送前菜、麵包及咖啡或茶。餐包新鮮熱辣，塗上自家製番茄醬吃，香軟味美。前菜三揀一，有餐湯、田園沙律或巴馬火腿卷哈密瓜可供選擇。火腿甘香油潤，同甜美嘅哈密瓜好夾，味道鹹香有層次。雞翼即點即炸，隻隻都肥大肉厚，外層食落好香脆，內裡雞肉嫩滑，啖啖 Juicy，配西芹條及田園沙律醬吃，滋味滿分。鮮龍蝦意粉 ($168/半隻) 採用新鮮波士頓龍蝦炮製，蝦肉鮮甜嫩滑，厚實富彈性；意粉幼身煙韌，咬落有回彈口感，加上索滿了龍蝦汁精華，入口啖啖濃香。燒美國肉眼扒 ($178/8oz) 塊扒煎得啱啱好，切開後見到粉嫩嘅肉色，入口軟腍富肉香，唔使點醬汁食都已經好夠味，配菜有薯蓉、蘆筍同車厘茄，用料十足。吃午餐可
好耐冇嚟大角咀，今日同朋友過嚟行下，順便吃頓午餐，揀咗利奧坊呢間新開嘅多國菜餐廳「Macroonies」。
餐廳主打意大利菜同美國菜，門面以落地玻璃作設計，內部裝修型格，座位編排唔會好迫，有適當距離，坐得都幾舒服。
原來店名係源自英文「My Crony」，解作「我的親朋好友」，把客人當成親戚朋友招待，人情味滿滿，誠意可嘉！
我哋點咗自家秘製雞翼 ($68) 同 兩個 Signature Lunch，午餐奉送前菜、麵包及咖啡或茶。餐包新鮮熱辣，塗上自家製番茄醬吃，香軟味美。
前菜三揀一，有餐湯、田園沙律或巴馬火腿卷哈密瓜可供選擇。火腿甘香油潤，同甜美嘅哈密瓜好夾，味道鹹香有層次。
雞翼即點即炸，隻隻都肥大肉厚，外層食落好香脆，內裡雞肉嫩滑，啖啖 Juicy，配西芹條及田園沙律醬吃，滋味滿分。
鮮龍蝦意粉 ($168/半隻) 採用新鮮波士頓龍蝦炮製，蝦肉鮮甜嫩滑，厚實富彈性；意粉幼身煙韌，咬落有回彈口感，加上索滿了龍蝦汁精華，入口啖啖濃香。
燒美國肉眼扒 ($178/8oz) 塊扒煎得啱啱好，切開後見到粉嫩嘅肉色，入口軟腍富肉香，唔使點醬汁食都已經好夠味，配菜有薯蓉、蘆筍同車厘茄，用料十足。
吃午餐可以用優惠價配甜品，點咗客 Mini Tiramisu (+$26)，芝士餅柔軟濕潤、mascarpone cheese 富濃郁奶香，配上餐飲，為午餐畫上完美句號。
張貼
