影片
更多
2021-08-03
345 瀏覽
如果想同幾個朋友一時興起想搵個地方開返枝酒吹下水又唔想去餐廳捱貴corkage/markup 幾倍價錢一枝酒, 其實係大角咀呢頭有好多類似嘅wine bar, 價錢由低至高都有,款式多之餘markup又唔算好高,係酒友們嘅聚會之選👍🏻.🥵悶熱天氣下先開一枝冰凍白酒降降溫🥶個人白酒方面除左出哂名嘅雷司令(Riesling)之外,其次最喜愛嘅就係呢款白酒 - Gewürztraminer(中文譯名:瓊瑤漿)‘Gewürz‘德文係解’spice’香料嘅意思,而事實上呢款白葡萄亦都係芬芳型提子,最為標誌性嘅香味就係其荔枝,玫瑰花香👍🏻而其中最出名嘅產區就係法國🇫🇷嘅Alsace, 鄰近德國🇩🇪邊境,所以其做酒方法都深受德國影響(而歷史上Alsace 都曾經被德國佔領過…但再講就會變歷史post🙊) Gewürztraminer 飲落微甜,富有熱帶水果嘅味道,酸度中等,比其他白酒更易同一啲比較濃味嘅小食配搭(試過配雞煲食,出奇地一流😜).($78)、($58) 雞翼出奇地出色,極為邪惡惹味😈,即叫即炸小心燙口🤓, 食完仲有成碟炸蒜唔好哂! 連埋薯條一齊食👍🏻.飲完枝白再揀枝紅！揀左枝嚟自意大利🇮
如果想同幾個朋友一時興起想搵個地方開返枝酒吹下水又唔想去餐廳捱貴corkage/markup 幾倍價錢一枝酒, 其實係大角咀呢頭有好多類似嘅wine bar, 價錢由低至高都有,款式多之餘markup又唔算好高,係酒友們嘅聚會之選👍🏻.
22 瀏覽
0 讚好
0 留言
🥵悶熱天氣下先開一枝冰凍白酒降降溫🥶個人白酒方面除左出哂名嘅雷司令(Riesling)之外,其次最喜愛嘅就係呢款白酒 - Gewürztraminer(中文譯名:瓊瑤漿)‘Gewürz‘德文係解’spice’香料嘅意思,而事實上呢款白葡萄亦都係芬芳型提子,最為標誌性嘅香味就係其荔枝,玫瑰花香👍🏻而其中最出名嘅產區就係法國🇫🇷嘅Alsace, 鄰近德國🇩🇪邊境,所以其做酒方法都深受德國影響(而歷史上Alsace 都曾經被德國佔領過…但再講就會變歷史post🙊) Gewürztraminer 飲落微甜,富有熱帶水果嘅味道,酸度中等,比其他白酒更易同一啲比較濃味嘅小食配搭(試過配雞煲食,出奇地一流😜)
.
16 瀏覽
0 讚好
0 留言
[避風塘雞翼]($78)、[黑松露薯條]($58) 雞翼出奇地出色,極為邪惡惹味😈,即叫即炸小心燙口🤓, 食完仲有成碟炸蒜唔好哂! 連埋薯條一齊食👍🏻
.
16 瀏覽
0 讚好
0 留言
飲完枝白再揀枝紅！揀左枝嚟自意大利🇮🇹中部Abruzzo嘅 Montepulciano d’Abruzzo DOC (又係水蛇春咁長嘅名…🤣) 係意大利嘅受歡迎嘅餐酒,充滿住黑果,布冧,黑莓嘅香味其後伴隨住少量朱古力,咖啡,煙燻嘅味道, 最適合就係叫返幾款燒肉串食下👍🏻
17 瀏覽
0 讚好
0 留言
[燒半架]($78) [東北羊肉串]($68)孜然粉調味十足,半架燒至6/7 成熟,而Montepulciano 中高嘅單寧咁啱可以帶走燒肉串嘅高油分,互相平衡,
(原諒我酒量淺飲到wingwing地影相都矇)
.
雖然今次冇叫到好多野食,但同朋友可以係度一齊飲酒吹水都相當enjoy, 仲可以順便見識下嚟自世界各地唔同酒款開下眼界👀但餐廳座位唔算多 如果要嚟可能要先訂位啊🤟🏻
張貼
