翡翠拉麵小籠包 (已結業)

今日放工落大雨，近近地就係office附近既翡翠拉麵小籠包食晚餐！因為好鍾意食上海菜，呢間翡翠既食物又幾好味，而且近公司，所以都時不時黎食野！今次因為都幾肚餓既關係，於是想挑戰呢度既紅燒蹄膀，即係燻蹄！ 問過侍應，呢個餸係即叫即整，所以要等45分鐘先有得食⋯侍應話燻蹄既size都幾大，所以兩個人食既話，唔需要叫太多野食！ 於是，我地另外叫左一籠小籠包。一如以往，一咬開熱辣辣既小籠包，皮薄，入面有好多鮮甜肉汁，好食！ 雪菜毛豆百頁可以話係上海菜既特色之一。呢度既雪菜咸咸地，和偏淡既百頁毛豆配起來剛剛好。之前試過係另一間老字號食呢味菜，咸到不得了@@，好重口味！ 最後期待已久既燻蹄終於上場。雖然已經有定心理準備幾大份，但當我地見到既時候，都不禁嘩左一聲！因為真係大得有d跨張。我之前都食過燻蹄，大過塊面咁多既都係第一次見！咩豬蹄原來有咁大隻！侍應幫我地切開一份份，香氣撲鼻！試一口，豬皮已經諗到入口都唔使點咬就吞得，豬肉都係非常之諗！好喜歡！好似食左好多膠原蛋白咁！份量其實足夠4-5個人食架！呢個價錢真係抵食又好好味！推介！最後，我地兩個人當然食唔晒要打包！好好味既晚餐！為納悶既下