影片
更多
2024-10-09
1091 瀏覽
踏入十月，又係食大閘蟹既時候，人人都會討論去那裡食蟹好。筆者今年的第一蟹，交左俾夜上海，呢間連續十六年摘星的店子，我自己都食過好多遍，對其出品好有信心。佔地兩層，處處散發著老上海的味道，加上坐擁維港美景既露台，環境實在無得輸。既然一心打算來食蟹，自然要有酒相伴，大家選好靚靚酒杯，夜上海的廿年花雕亦隨之而來，獨特既香氣素來是花雕的吸引之處，與大閘蟹是天作之合。依例先來幾道涼菜，醉雞皮爽肉嫩，唔怕死實，滲出絲絲酒香，明知要留肚吃豐富既大閘蟹菜式，都忍唔住吞下幾件才收手。江南脆鱔做到鬆脆不硬，酸甜醒胃，有助打開胃口。接著來的鵝肝蟹BB，蟹仔造型得意到唔捨得食。凍鵝肝入口綿滑，十分好吃，怕膩的話可配上旁邊的醋珠同吃，成個感覺又不一樣。吃罷凍鵝肝，飲番啖奄篤鮮暖一暖胃，咸肉與鮮肉，筍與百葉結，不用多花巧，喝得寧舍舒服。熱食過後，主角既大閘蟹終要登場。對我來說沒有九月圓臍十月尖呢回事，因為我只喜歡吃蟹公。是夜的，也就是五両半至六両的蟹公。如果你又懶又想食蟹，可請店員幫忙拆蟹的。至於是夜既蟹公，蟹羔唔少。細味完大閘蟹之後，當然仲有一系列的蟹粉菜式。蟹粉伴粉皮嚐得多，配類似質感的花膠真係第一次，頓時覺
踏入十月，又係食大閘蟹既時候，人人都會討論去那裡食蟹好。筆者今年的第一蟹，交左俾夜上海，呢間連續十六年摘星的店子，我自己都食過好多遍，對其出品好有信心。
佔地兩層，處處散發著老上海的味道，加上坐擁維港美景既露台，環境實在無得輸。
既然一心打算來食蟹，自然要有酒相伴，大家選好靚靚酒杯，夜上海的廿年花雕亦隨之而來，獨特既香氣素來是花雕的吸引之處，與大閘蟹是天作之合。
依例先來幾道涼菜，醉雞皮爽肉嫩，唔怕死實，滲出絲絲酒香，明知要留肚吃豐富既大閘蟹菜式，都忍唔住吞下幾件才收手。
江南脆鱔做到鬆脆不硬，酸甜醒胃，有助打開胃口。
接著來的鵝肝蟹BB，蟹仔造型得意到唔捨得食。凍鵝肝入口綿滑，十分好吃，怕膩的話可配上旁邊的醋珠同吃，成個感覺又不一樣。
吃罷凍鵝肝，飲番啖奄篤鮮暖一暖胃，咸肉與鮮肉，筍與百葉結，不用多花巧，喝得寧舍舒服。
熱食過後，主角既大閘蟹終要登場。對我來說沒有九月圓臍十月尖呢回事，因為我只喜歡吃蟹公。是夜的，也就是五両半至六両的蟹公。
如果你又懶又想食蟹，可請店員幫忙拆蟹的。至於是夜既蟹公，蟹羔唔少。
細味完大閘蟹之後，當然仲有一系列的蟹粉菜式。蟹粉伴粉皮嚐得多，配類似質感的花膠真係第一次，頓時覺得自己高貴左。
黃魚今時今日既身價已唔講得笑，師傅將佢起骨，伴蟹粉，細嫩既肉質夾埋甘香既味道，真係不得之了。
再來一道蟹粉銀鱈魚蒸肉餅，呢道菜又係我非常喜歡的，大概是更有家常的味道。
每人一隻蟹粉小籠包是必需的，湯汁豐盈，贏得我這小籠包控的歡心。
邪惡到一個點的晚宴，整個豆苗來平衡下，心理上會好過一點。
單尾的砂鍋咸肉菜飯，香口好吃，咸肉扮演住好重要既角色。
甜品環節，各自選上心水甜點，又來個木桶豆腐花和滋補紅棗糕齊齊分甘同味，咸甜胃都超級滿足！
張貼
