千房 (已結業)

上次去大阪都無玩過鐵板燒，見到香港竟然喺旺角新商場T. O. P 開咗間千房，就即刻去試吓。星期六下晝12點幾過去，一個人都無。爭d以為佢未開門。打開menu, 有各種大阪燒，但即時比個蔬菜燒吸引，因為佢勁多芫茜！！馬上叫份試吓！！好香口，入面仲有牛筋，蕃茄，蒜片(?) etc下次黎 會再叫！仲叫咗份辣炒麵，醬汁足夠，都幾辣幾開胃。加上有鐵板喺度，慢慢食都唔驚d野變凍。本來仲想試飲沖繩菠蘿啤酒，點知無晒.... 唯有下次再黎啦