Drool Froyo

營業中

休息中

逛完年宵行經天后街頭，無意間被一間小店吸引住 - Drool Froyo！雖然天氣凍冰冰，但都抑壓唔住我想食雪糕嘅心。 作為芒粉，我點咗自選「牛角杯」、啖啖肉芒果、大大粒藍莓，乳酪雪糕本身就有陣淡淡嘅酸甜味，一入口就好開胃。芒果醬加入，酸甜口感更加濃郁，而藍莓又為雪糕增添唔同嘅風味。咬一口酥脆嘅牛角，再蘸上一啖乳酪雪糕，層次豐富！ 搭子自選「滿足杯」，配料有啖啖肉芒果、蝴蝶酥、oreo同朱古力醬。Baileys朱古力醬嘅酒味唔濃，反而朱古力味濃郁，啖啖肉芒果果肉軟糯鮮甜，蝴蝶酥嘅酥脆同雪糕搭配得天衣無縫。 呢間店唔單止有多款推介嘅乳酪杯，仲可以自己選擇配料同醬汁。無論清新嘅水果，定係甜品，都可以配出一杯啱自己口味嘅乳酪雪糕。