Warren (已結業)

位於天后既內街，今日咁岩行街行到黎呢度，周圍都有幾間野食，唔算好多，而且內街少人，咁都比我發現有間唔錯既西餐小店。雖然店舖細細，但格調都唔差，最緊要店員招呼周到，唔會好似其他西餐廳咁叫極都唔應機。我覺得小店食既除左心機，就係佢個服務態度。咁黎到都係正常西餐既格調，前面有個大型吧台，大家鐘意飲下cokctail，呢度都有提供。西餐方面，餐具佈置都睇得出呢間小店比左唔少心機落去，所以我都幾欣賞既。咁今次叫左2個set，個帶子真係幾出色，唔會過熟式或過生，眾所周知，煮帶子同煮牛扒差唔多，好教師傅對生熟程度既掌握，太熟就會令到成個帶子無曬水份，食落乾爭爭，無曬彈性。羊架方面，佢就做得都唔錯，羊醃得幾好，無乜「So」，略嫌脂肪多左少少，但切走佢黎食都okay。