好一鍋海鮮火鍋專門店 (已結業)

是日天氣較凍，就上網睇睇這區有邊間火鍋店經濟實惠，實行驅寒意，暖暖身搜尋一輪後，覺得哩間好似平靚正咁，所以最終就決定去試一試。一到步就見知客不停接預訂當晚枱嘅電話，但一律被回覆 - 7點半開始嘅枱已早早被預約滿幸好……是日為星期六及無預早訂枱關係，為免晚膳時段人多而無位，我地一早決定食5點半嗰輪，不過就要搭枱…其實真係從未試過搭枱打邊爐鯊魚骨湯湯底毫無鮮味可言，其實只係一般湯底；而食物種類及質數屬一般貨仔，不過勝在有手打墨魚丸，墨魚滑，海蝦，蜆等食品，吸引度大增；另外，仲有乳酪作飯後甜品，簡直一大滿足。雖然毫無服務可言，但以$138加一嚟講，真係物超所值