港原味 (已搬遷) 新店位置

咁凍嘅天氣真係懶得煮，今日又叫外賣啦。今日食呢間叫港原味，個名好特別，你講完未啊🤣🤣位置響利奧坊入邊，外賣自取，今次都算係第一次嚟到利奧坊！古法京蔥雞見到響OpenRice好多人都推薦呢個菜，不過我哋今次試就真係有啲失望。。成隻雞係冇味㗎，感覺好似連鹽都冇落去醃😂 不過啲京蔥分開食就好味喎 魚香茄子炆米炆米好入味，茄子煮到好綿！仲有魚香味！不過炒得太油啦，食到成個咀都勁肥勁油。黃金四季豆不過食落就冇鹹蛋黃味 應該係比錯左。。個四季豆比較油，真係要撈飯食先冇咁肥膩！雖然我哋一早響App叫咗外賣，不過去到都仲要等一陣，應該咁凍嘅天氣下，大家都懶得煮飯，簡簡單單的叫外賣便算了😂