巴打火鍋館 (裝修中)

再黎，打邊爐。今次係朋友話正，先黎一黎。(巴打招牌鍋 $198，本地新鮮手切牛$168，3秒脆響鈴(6件)$42，自家手打墨魚滑$78，花雕醉雞件$68，菜心苗$32 )呢個巴打招牌鍋火鍋湯底幾多料有扇貝,豬手,粉腸,豬肚等等。個湯叫做鮮甜既，直接飲左幾碗，都無話好口渴。至於個本地新鮮手切牛，牛味幾濃既，但係少少嚡同韌。脆響鈴，呢個係必點試既東東，響鈴上枱都熱身既。而且浸係湯度3秒，仲係卜卜脆，超好食。又唔會好油益味。自家手打墨魚滑，花雕醉雞件同菜心苗，好普通，唔值得品評。食物質素上係唔錯既，但價錢有少許偏貴。不過我真係都幾鍾意個湯底。