影片
更多
2024-07-25
633 瀏覽
別忘了 Don’t Forget📍天水圍天湖路2號天耀廣場LG1樓LG15-16號舖朋友難得週末放假入嚟元朗國陪我，我都廢事再外出遠方覓食，所以喺附近商場搵咗間經過幾次都未食過嘅台式餐廳，食咗個快飯。呢間以粉紅色櫻花樹做裝飾嘅餐廳相當搶眼球，配上柔和木色嘅桌椅，令人感覺舒服愜意。餐廳主打台式火鍋，自取食材新鮮多元，仲提供多款台式手搖同甜品，性價比其高。不過我哋當日唔算太餓，所以選擇咗價值更優惠嘅午市套餐，埋單找數都係$150左右，認真抵食！ 💰$65紹興醉雞飯 🐓招牌滷肉飯嘅飯底選用粒粒飽滿嘅珍珠米，有咬口之餘，米味亦十分香濃，淋上肥瘦均等嘅香滷肉，特別下飯。肥肉富膠質，瘦肉不乾柴，配上香甜微辣嘅菜脯，淨食都已好滿足。我哋仲加咗$5叫多半粒溏心蛋，咁就齊齊有得食，唔洗爭！套餐包有紹興醉雞卷一份，連皮雞卷十分嫩滑，每件都吸收紹興酒濃郁香醇嘅滋味，口感味道都好清新，夏天食一流，配滷肉飯更可中和油膩感。 💰$54鹽酥雞麻辣鴨血米線 🐓🍜朋友揀選麻辣米線套餐，一拼過試晒餐廳三大人氣美食—鴨血、鹽酥雞、麻辣米線！鹽酥雞炸得香脆無比，但雞肉依然嫩口多汁，外脆內嫩嘅口感非常正！同一般台式鹽酥雞唔同，
📍天水圍天湖路2號天耀廣場LG1樓LG15-16號舖
朋友難得週末放假入嚟元朗國陪我，我都廢事再外出遠方覓食，所以喺附近商場搵咗間經過幾次都未食過嘅台式餐廳，食咗個快飯。呢間以粉紅色櫻花樹做裝飾嘅餐廳相當搶眼球，配上柔和木色嘅桌椅，令人感覺舒服愜意。
餐廳主打台式火鍋，自取食材新鮮多元，仲提供多款台式手搖同甜品，性價比其高。不過我哋當日唔算太餓，所以選擇咗價值更優惠嘅午市套餐，埋單找數都係$150左右，認真抵食！
[價錢 Price]
💰$65
紹興醉雞飯 🐓
招牌滷肉飯嘅飯底選用粒粒飽滿嘅珍珠米，有咬口之餘，米味亦十分香濃，淋上肥瘦均等嘅香滷肉，特別下飯。肥肉富膠質，瘦肉不乾柴，配上香甜微辣嘅菜脯，淨食都已好滿足。我哋仲加咗$5叫多半粒溏心蛋，咁就齊齊有得食，唔洗爭！
套餐包有紹興醉雞卷一份，連皮雞卷十分嫩滑，每件都吸收紹興酒濃郁香醇嘅滋味，口感味道都好清新，夏天食一流，配滷肉飯更可中和油膩感。
[價錢 Price]
💰$54
鹽酥雞麻辣鴨血米線 🐓🍜
朋友揀選麻辣米線套餐，一拼過試晒餐廳三大人氣美食—鴨血、鹽酥雞、麻辣米線！鹽酥雞炸得香脆無比，但雞肉依然嫩口多汁，外脆內嫩嘅口感非常正！同一般台式鹽酥雞唔同，佢嘅調味唔會過重，唔會死鹹，食完亦都唔需要不停飲嘢解渴。
至於麻辣鴨血米線就無得揀選辣度，米線粗幼度同軟硬度都係我個人非常喜歡嘅比例，湯底微辣帶小麻，我哋兩個唔太食得辣都handle到。而全場最好味嘅，一定係鴨血，因為每片厚度適中，入口順滑帶點結實，沒有絲毫腥味，非常正宗。
[價錢 Price]
💰$36
夜市甜不辣 🍢
最驚喜嘅係呢款小食，無諗過$40都唔洗，就有一大碟甜不辣！呢個價錢同份量，同台灣有得fight，而且味道都還原到台灣夜市嘅甜不辣，所以我哋非常推介！炸過嘅甜不辣條依然十分煙韌彈牙，再灑上夜市小食必備嘅椒鹽粉，真係香口無比，好易令人食上癮！
兩個午市套餐都已包一杯台式飲品，我哋揀咗唔洗加錢嘅兩款茶飲。
檸檬胭脂桃花紅茶 ☕️
呢款胭脂桃花紅茶清爽耐喝，係少數我鍾意嘅果香茶。花底甘醇且有清甜果香，配上新鮮檸檬片更清爽解渴，建議配搭為少冰微甜，值得一試。
玉蘭綠茶 🍵
唔喜歡濃茶嘅可以揀玉蘭綠茶，玉蘭花香滲透綠茶茶葉，獨特香氣輕淡，喺口中卻持久飄逸，配搭濃味主食好夾！
張貼
