天浮橋拉麵 (已結業)

雞有雞味，連叉燒都有雞味？無錯，雞正正就係呢間拉麵店嘅主角，由湯底到配菜，雞全部都係雞～我一坐低店員就主動介紹各款拉麵，誠意滿滿，而且對食物非常熟悉ლ(｀∀´ლ)　。；鹽雞白湯沾麵 $80湯/沾同價，沾麵再可揀熱/凍麵。沾麵用上太麵(粗麵) ，幾似彩aya嘅麵底，q彈帶麥香，掛湯能力一流。日本愛知縣嘅走地雞叉燒🐔有三大塊咁多，肉質軟腍，雞味香濃，而且皮薄脂肪少，表面仲有黑椒帶出肉嘅鮮味。味玉超流心，係靚靚嘅蛋黃呀！湯底加上雞油+濃鹽醬油，層次豐富，濃稠易掛湯，帶些微檸檬香氣，唔會覺得油膩。齋飲湯入口稍鹹，配埋麵就啱啱好。♨️美中不足係個湯唔夠熱，估計因爲餐廳冷氣太充足🌀hahahah（應該係我影相太耐）。；餃子 x3 $15🥟外皮煎得香脆，饀料飽滿，係白菜豬肉餃呢。