Simplylife Cafe (已結業)

呢間分店喺公司附近、係啲外國同事推介嘅！佢哋話咖啡質素唔錯價錢又好抵所以嚟試吓！原來星期一至五、十一點前買任何食物只需要加$17就可以有一杯細熱咖啡！大杯裝或者凍飲都係加$22咋！三文治同埋酥皮類麵包都有好多款仲有蛋糕、muffin 添！今次揀咗三文魚丹麥酥！店員會主動幫你翻熱、之後就去收銀揀咖啡！原來係可以揀任何咖啡ga、我就揀咗拖肥latte!比完錢唔使3分鐘就可以攞到咖啡！啱晒朝頭早咁趕時間！杯咖啡拉花好靚！最重要係咖啡真係熱辣辣！個人最唔鍾意唔專業嘅咖啡師啲奶未打熱就倒落啲咖啡度、搞到啲咖啡完全唔熱！飲落咖啡順口、而且拖肥味好香、重點係唔會太甜啱啱好！三文魚丹麥酥咬落去好鬆脆、又唔會油淋淋！上面仲有一大塊芝士！中間三文魚鬆份量都唔少！現場仲有好多梳化位八點半都唔夠已經好多人起到開緊會傾計做嘢 😹 買單一共$34已經有咖啡、有個包我覺得好抵