반찬앤쿡 Banchan and Cook (太古城中心)

營業中

休息中

太古城美食眾多，成日都因為食嘢而攪到頭都大埋。今日我就揀咗太古城廣場二期嘅Banchan & Cook。餐廳環境舒適、地方都闊落。落單取餐等需環自行到櫃枱處理。慢煮雞胸蛋包飯，蛋非常有動感，中間𠝹開後，半熟嘅蛋汁從內流出，未食都流哂口水。慢煮雞胸非常嫩滑，再配上忌廉蘑菇汁，即個蛋包飯相當完滿。韓式牛扒三文治，厚一厚嘅牛扒，夾哂脆卜卜嘅包之間，口感一流。牛扒唔韌、而且牛味香濃。配返沙律菜，平均返營養需求。甜辣無骨炸雞，除咗炸雞，仲有薯條同年糕。雖然提供咗兩款醬汁，但炸雞本身已有甜甜辣辣嘅味道，所以唔點醬都好好味。手工巴斯克芝士蛋糕，甜品介嘅新星，近年最熱門嘅甜品。Banchan & Cook 嘅手工巴斯克芝士蛋糕芝士都夠香濃、只係略嫌唔夠實淨。玫瑰紅桑子沙冰，即使打成沙冰，都依然飲到玫瑰花味。紅桑子味都好突出。荔枝檸檬沙冰，唔知點解會係藍綠色。不過好有荔枝同檸檬嘅味道。一酸一甜，但撞得好平衡。