影片
更多
2018-12-15
1389 瀏覽
平時去開太古廣場都好少去天台，原來天台係有幾間唔錯嘅餐廳，而The Continental就係其中一間啦。喺夜晚嘅時候，餐廳出面嘅燈飾開曬，個feel唔錯。今次我地被安排到喺酒櫃附近嘅座位，依度真係有好多款酒。今次我地都叫左枝2009年嘅德國Riesling飲，幾Crispy同fruity，好易入口。前菜方面，尤於我同屋企人都唔太喜好生冷野嘅關係，我地都不約而同叫左蘑菇湯。上菜嘅時候會先上材料，然後待應會幫你倒湯落去。個湯好creamy，唔會好稀。蘑菇似係有風乾處理過，好香，真係別有一番風味。主菜方面，我地今次點左三文魚，羊架，同埋我嘅龍蝦意粉。因為無試到其他兩道菜，所以我就淨係講下我嘅龍蝦意粉啦。先講主角龍蝦，佢嘅肉質係爽口唔「鞋」，啖啖肉，無得挑剔。意粉Al dente，掛滿曬香濃嘅龍蝦汁，加少少辣辣地，都唔錯。平時怕火箭菜苦嘅人都唔洗驚，因為當火箭菜加埋個意粉同汁，食落去一啲都唔苦。今次我地點左四個甜品，分別係朱古力疏乎厘，法式多士，芒果蘋果crumble，同埋Panna Cotta。四果甜品我地鐘意，尤其係法式多士同Panna Cotta。法式多士暖笠笠，上面有少少焦糖，食落唔
喺夜晚嘅時候，餐廳出面嘅燈飾開曬，個feel唔錯。
今次我地被安排到喺酒櫃附近嘅座位，依度真係有好多款酒。
Selbach-Oster, Spatlese, Trocken, Mosel
34 瀏覽
0 讚好
0 留言
今次我地都叫左枝2009年嘅德國Riesling飲，幾Crispy同fruity，好易入口。
Mushroom Soup
33 瀏覽
0 讚好
0 留言
前菜方面，尤於我同屋企人都唔太喜好生冷野嘅關係，我地都不約而同叫左蘑菇湯。
上菜嘅時候會先上材料，然後待應會幫你倒湯落去。個湯好creamy，唔會好稀。蘑菇似係有風乾處理過，好香，真係別有一番風味。
Lobster Spaghetti
41 瀏覽
0 讚好
0 留言
主菜方面，我地今次點左三文魚，羊架，同埋我嘅龍蝦意粉。
因為無試到其他兩道菜，所以我就淨係講下我嘅龍蝦意粉啦。
先講主角龍蝦，佢嘅肉質係爽口唔「鞋」，啖啖肉，無得挑剔。意粉Al dente，掛滿曬香濃嘅龍蝦汁，加少少辣辣地，都唔錯。平時怕火箭菜苦嘅人都唔洗驚，因為當火箭菜加埋個意粉同汁，食落去一啲都唔苦。
Chocolate Souffle
30 瀏覽
0 讚好
0 留言
French Toast
34 瀏覽
0 讚好
0 留言
Mango and Apple Crumble
35 瀏覽
0 讚好
0 留言
Panna Cotta with Fig and Pistachio
46 瀏覽
0 讚好
0 留言
今次我地點左四個甜品，分別係朱古力疏乎厘，法式多士，芒果蘋果crumble，同埋Panna Cotta。四果甜品我地鐘意，尤其係法式多士同Panna Cotta。
法式多士暖笠笠，上面有少少焦糖，食落唔會太甜，麵包外面脆，裏面小小腍，加埋雪糕非常好食。
Panna Cotta係我地今日唯一點左嘅凍甜品，雖然佢真係唔係好甜，但係佢食落好light，開心果碎好香，奶凍都hold得起，唔會塌落黎，配上無花果好清新。
至於朱古力疏乎厘，依個係我最期待嘅一道甜品，因為整疏乎厘其實幾考工夫。疏乎厘係發得起嘅，上菜嘅時候待應會將雪糕放入疏乎厘入面。其實食落去口感係唔錯嘅，可惜個疏乎厘嘅朱古力味唔夠濃，而且唔夠熱，所以扣左少少分。
對於鐘意食酸野嘅人黎講，芒果蘋果Crumble可能會啱曬你嘅口味啦。佢入面係用左好大量嘅新鮮芒果同蘋果去做，加埋上面脆卜卜嘅Crumbles，新鮮熱辣，冬天食係唔錯嘅。加分位係佢隔離嘅芒果雪糕，可以有效咁中和依道甜品嘅酸度。
張貼
