喬居酒屋

營業中

休息中

📍 喬居酒屋 - 太子太子極高質隱世居酒屋隱藏喺後巷嘅一間日式居酒屋 估佢唔到咁出色嗌完嘢食之後師傅就上咗前菜 係白粟米同自家製醃蘿蔔 仲準備咗青檸同唔同醬料俾我哋食串燒用 白粟米非常清甜 加埋醃蘿蔔好開胃✨燻煙芝士外層好香燻煙味 食落芝士味好濃郁 配埋啤酒飲勁夾！會帶出陣陣嘅甜味😋✨鹽燒豬肋條& 牛舌芯豬肋條肉質好有彈性 少少肥膏位都好香 牛舌芯夠厚又唔韌好爽口✨雞胸軟骨&黑毛豚五花腩&大蔥雞肉串雞胸軟骨串係連埋雞髀肉 令到個串口感更加豐富五花腩肥瘦都好適中好香口 大蔥同雞肉嘅組合就一定冇得輸😝✨免治雞肉棒配日本初生蛋雞肉棒調味好適中 口感豐富 配上日本蛋好鮮味一啲都唔會腥 必叫！✨雞頸肉肉質軟滑帶少少爽口 送酒一流✨汁燒腦天係吞拿魚頭頂嘅部位 肉質好軟滑 而且成串啖啖肉 咁特別嘅部位喺出面都好少見到 可以一試！✨黑糖燒菠蘿呢款真係要大推😍比起出面嘅燒菠蘿更加juicy 再加埋少少燒脆咗嘅黑糖 菠蘿肉燒到軟綿綿 口感超級正！✨燒飯團&明太子飯團熱辣辣外脆內軟 外層有飯焦嘅感覺 明太子味再多一陣香辣 作為成餐最後一道夠晒滿足飽肚！