富城火鍋海鮮酒家

營業中

休息中

尋晚又同老婆出動，8點幾黎到，人唔多半滿到，見檯檯都打緊邊爐，但我地想食小菜。坐低本來叫半隻雞，但個部長話而家做緊優惠，一蚊一隻雞，叫我地叫呢個抵D，於是就聽佢講，叫左隻一蚊雞、蒸條倉魚，加個粒粒浸時蔬。隻雞黎到好大隻，同出面個D奀挑鬼命既差好遠，不過1蚊隻，當然係冰鮮貨色，味道偏淡啦。另外條魚蒸得唔錯，唔鞋，食得出新鮮游水魚，個浸時蔬就有D肉粒同菇粒，幾清。服務唔錯，環境OK，埋單唔使兩舊，真係好抵。一次黎試下打邊爐先。