影片
更多
2023-03-24
1602 瀏覽
想食海鮮蒸鍋，之前食過呢間鍋心都幾好食，都幾抵食，二百幾蚊一個人可以一個燉湯，食到八款海鮮再加一個八寶飯，一個甜品，開埋超高性價比寫海鮮都新鮮好食嘅！🍴$288一位 龍蝦肉蟹餐一個燉湯，有八款海鮮，八寶飯(可以自選八個餸)，最後有一個中式糖水。分兩個時段一係5:30一係就8:15，想食記得打電話去訂位啊，通常Walk in可能冇位。🍴冬瓜紅蘿蔔豬肉 (6/10)比較清香一點，鹹鹹地，有啲似豬肉燉湯。🍴金銀蒜蒸龍蝦 (7.5/10)龍蝦有膏，個個都幾甘幾香，肉質都彈牙鮮甜。🍴果皮蒸鮑魚 (7/10)都幾大隻，肉質彈牙新鮮，蘿蔔清甜。🍴泰式醬蒸蠔 (5/10)比較細粒，好似係本地流浮山生蠔，唔腥。🍴豉汁蒸貴妃蚌 (5/10)大隻爽口，冇沙，ok的。🍴蒜蓉蒸刀貝 (7/10)啱啱號都好滑，冇沙。🍴沙嗲醬魷魚腸粉 (5/10)沙嗲汁比較少，唔係好濃味，魷魚雖然好細條，腸粉好軟糯。🍴剁椒多寶魚 (8/10)多寶魚魚質好滑，剁椒好香辣，幾好食。🍴豆醬蒸膏蟹 (7/10)啲膏都幾香，甘甘苦苦，肉質都算鮮甜彈牙，但好似同泰式醬唔太夾🍴八寶飯 (9/10)要咗蝦醬豬腩肉，秘製雞軟骨肉餅，馬蹄豬肉餅，醬油
想食海鮮蒸鍋，之前食過呢間鍋心都幾好食，都幾抵食，二百幾蚊一個人可以一個燉湯，食到八款海鮮再加一個八寶飯，一個甜品，開埋超高性價比寫海鮮都新鮮好食嘅！
🍴$288一位 龍蝦肉蟹餐
一個燉湯，有八款海鮮，八寶飯(可以自選八個餸)，最後有一個中式糖水。
分兩個時段一係5:30一係就8:15，想食記得打電話去訂位啊，通常Walk in可能冇位。
🍴冬瓜紅蘿蔔豬肉 (6/10)
比較清香一點，鹹鹹地，有啲似豬肉燉湯。
🍴金銀蒜蒸龍蝦 (7.5/10)
龍蝦有膏，個個都幾甘幾香，肉質都彈牙鮮甜。
🍴果皮蒸鮑魚 (7/10)
都幾大隻，肉質彈牙新鮮，蘿蔔清甜。
🍴泰式醬蒸蠔 (5/10)
比較細粒，好似係本地流浮山生蠔，唔腥。
🍴豉汁蒸貴妃蚌 (5/10)
大隻爽口，冇沙，ok的。
🍴蒜蓉蒸刀貝 (7/10)
啱啱號都好滑，冇沙。
🍴沙嗲醬魷魚腸粉 (5/10)
沙嗲汁比較少，唔係好濃味，魷魚雖然好細條，腸粉好軟糯。
🍴剁椒多寶魚 (8/10)
多寶魚魚質好滑，剁椒好香辣，幾好食。
🍴豆醬蒸膏蟹 (7/10)
啲膏都幾香，甘甘苦苦，肉質都算鮮甜彈牙，但好似同泰式醬唔太夾
🍴八寶飯 (9/10)
要咗蝦醬豬腩肉，秘製雞軟骨肉餅，馬蹄豬肉餅
，醬油漬牛脷，柱侯牛粒，蠟腸，淮山，芋頭，蝦醬豬腩肉好香濃嘅蝦醬味唔會太肥膩，雞軟骨肉餅頭軟骨好爽口幾香，牛脷牛粒好香口有牛肉味好軟淋，淮山好爽脆，整體來講個飯口感好豐富，好香口，加埋甜豉油甜甜哋，最好食係個飯。
🍴木瓜糖水 (7/10)
木瓜好淋，桃膠好有口感，甜甜地，唔會太甜，仲有杞子龍眼肉紅棗，感覺好補身！
推薦指數: 6.5/10
食過幾次覺得好似差咗，服務都冇咁好，下次可能試吓其他，不過真係正正常常冇中伏嘅！
張貼
