the Engine

營業中

休息中

餐廳裝修主打太空科幻風，打卡一流。餐廳主攻外賣，不過都有枱可以坐底食。餐牌有好多選擇，食物都係生銅飲食，食得健康！煙三文魚煙肉牛油果沙律$88＋$32轉套餐煙三文魚有4大塊，又長又大塊。一大碗沙律菜，菜好新鮮。仲有蕃茄仔和天貝薯條碎塊，再配上牛油果醬撈黎食，好健康！生菜包牛肉法式軟芝士漢堡 $98＋$32轉套餐無用麵包，用左超大塊生菜包住啲食物。有酸菜絲、煙肉碎、青瓜片、蕃茄片、厚身軟芝士、牛肉漢堡。配搭挺特別。天貝薯條（半份）天貝薯條唔係用薯仔做，外形睇到係由一粒粒豆組成，唔咸唔甜，有食到豆味。配有生酮茄汁，唔似出面一般茄汁既味道，食到淡鮮茄味。另外追加$10要牛油果醬。炸牛腩配合桃及意大利黑醋（半份)炸牛腩食落唔係熱氣脆卜卜果種，雖然外表望落係收晒水，但食落反而唔會乾硬，仲食到牛腩味。有合桃碎同火剪菜，很有趣的組合。生酮忌廉湯似西蘭花忌廉，飲到裡面有好多西蘭花碎。低糖蜜桃烏龍梳打微甜，有蜜桃香。日式燒豬腩肉配紫薑 $48有好多條豬腩肉，半肥瘦，表面有煎過。紫薑都幾辣。