影片
更多
2022-05-17
1672 瀏覽
長輩們約好週四晚聚餐，飯前例牌要飲返幾輪歡樂時光，眼見大館就喺餐廳附近，XO仔就提議佢地可以一訪人氣地標，並於館內嘅酒吧「The Dispensary」內尋歡。店子嘅位置其實都幾隔涉吓，因為大館門口唔停得車，荷李活道仲要係單程路，對長者及行動不便嘅人仕黎講絕對有難度；幸好的士司機熟路，指出無障礙出入口就喺警察服務中心門前。不過原來所謂「無障礙」其實只有職員先可以搭升降機直達一樓餐室，好在遇上友善嘅保安員及路人樂意帶路，幾口子先順理到步。通往一樓嘅梯級每級都好高吓，除咗年長嘅朋友有微言之外，穿著高踭鞋及窄裙嘅女仕們都感覺有點兒吃力。其實早兩日前於網上訂座後，翌日即有專人以電話短訊確認，得知當晚八點有個私人派對，小肥都好醒目咁講明六點前會離開。準時下午四點正出席，大堂明顯用作接待三間餐廳客人嘅櫃檯竟然冇人看管，安心出行更疑似行緊自律模式，匪而所思得有種不祥預兆。等咗五分鐘見唔係幾對路就探頭搵人啦！點知路過嗰位姐姐仔話佢地六點已經有人包場，最多只可逗留到五點。當日掛咗幾次黃雨，室外仍落著滂沱大雨，幾位迷途嘅長輩又未抵達，要轉地方真係冇可能，從來唔發脾氣嘅蕃薯uncle第一個抗議話太不合理了！
店子嘅位置其實都幾隔涉吓，因為大館門口唔停得車，荷李活道仲要係單程路，對長者及行動不便嘅人仕黎講絕對有難度；幸好的士司機熟路，指出無障礙出入口就喺警察服務中心門前。不過原來所謂「無障礙」其實只有職員先可以搭升降機直達一樓餐室，好在遇上友善嘅保安員及路人樂意帶路，幾口子先順理到步。
通往一樓嘅梯級每級都好高吓，除咗年長嘅朋友有微言之外，穿著高踭鞋及窄裙嘅女仕們都感覺有點兒吃力。
其實早兩日前於網上訂座後，翌日即有專人以電話短訊確認，得知當晚八點有個私人派對，小肥都好醒目咁講明六點前會離開。準時下午四點正出席，大堂明顯用作接待三間餐廳客人嘅櫃檯竟然冇人看管，安心出行更疑似行緊自律模式，匪而所思得有種不祥預兆。
等咗五分鐘見唔係幾對路就探頭搵人啦！點知路過嗰位姐姐仔話佢地六點已經有人包場，最多只可逗留到五點。當日掛咗幾次黃雨，室外仍落著滂沱大雨，幾位迷途嘅長輩又未抵達，要轉地方真係冇可能，從來唔發脾氣嘅蕃薯uncle第一個抗議話太不合理了！
細閱細佬留有嘅短訊記錄後得知七人只為探索下午三點至七點嘅逃獄優惠「Prison Break」，姐姐仔即轉軚話如果唔怕佢地set場嘈雜都可以留到五點九嘅，咁大家都覺得情有可原，故怨氣亦稍為消除咗啲。
場內並冇其他貴客，可以任坐唔嬲。室內嘅二至多人合併式散座均拍牆而排，一半為梳化位。
室外座位則設於前往洗手間必經之走廊上，高櫈及雲石枱全面向廣場，落雨天難免會撇水，容易積水及變得濕滑，飲咗兩杯後更覺此區屬危險地帶。
酒吧中央金光閃閃嘅為酒保嘅大舞台，透明度極高。
如相所示，黑白色嘅地磚上可見不少泥積，加上不甚尊重口罩令嘅酒保們對防疫鬆懈嘅態度，直令衛生水平大打折扣。
早到嘅三人先從「Prison Break」逃獄酒牌點上簡單嘅雞尾酒。以香檳調出嘅「Bellini」（$78）清新清爽，威士忌uncle對其所點嘅「Old Fashion」（$78）都好滿意。
Bellini、Old Fashion
$156
33 瀏覽
1 讚好
0 留言
Old Fashion
$78
27 瀏覽
1 讚好
0 留言
大館可算為香港新進景點之一，令人反感在於其交通頗為不便，而且升降機限制奇特不合理。館內其中一家酒吧「The Dispensary」雖則空間感足，「Prison Break」之雞尾酒品亦屬可口之列，無奈工作人員衛生意識偏低，幾位黑面服務生更無視客人嘅存在，職員間有顯著嘅溝通問題，發現出錯未有適當處理，結果居然仲要玩趕客！即使埋單時免咗幾杯飲品以作補償，同行嘅長輩們都覺得其態度欠缺誠懇，一致裁定酒吧已達完全失救嘅地步，絕對唔會返轉頭！
張貼
