日月堂

營業中

休息中

見佢係得獎熱店就諗住同朋友經過觀塘去食。見到佢午餐都有多款選擇嘅，但係珍珠奶茶就冇納入半價之內要另叫。去嘅時候已經兩點幾，但係都要等15分鐘先有位。咁我同朋友就一人叫咗一個Lunch set 試吓啦。 我哋分別叫咗刈包拼番薯條😋同埋紅燒牛肉麵。刈包就不過不失，都好好味嘅。番薯條就有啲乾，食得太多就會覺得有啲滯，最好就同朋友分享一齊食啦。紅燒牛肉麵我就覺得又咸又酸啦，由於太酸嘅關係，一碗麵都食唔晒。佢入邊都加咗幾多酸菜，就好似食緊一碗酸辣米線咁。不過佢牛肉嘅份量都幾多，牛肉係用牛腱，一碗都有四至五塊。午餐套餐仲包埋小食同埋冬瓜茶添，啲小食都幾啱過下口癮。冬瓜茶略為偏甜，不過食完咁鹹嘅嘢之後又幾好飲嘅。喺食飯嘅途中，我哋都遇到小動物同我哋一齊食。喺清潔方面可能要再勤力啲啦。