奔之食堂 (已結業)

近年角落生物大熱，行到邊都有佢地的影蹤。早前都有不同的香港餐廳同角落生物做限時crossover，而今次我就去了尖沙咀的奔之食堂。佢係DFS入邊，去到門口已經見到海量的角落生物公仔可以打卡。餐廳入面都有不少公仔，不過想去的大家記住book咗位先去，因為無book位就有機會要坐無公仔的台。食物方面，選擇還算多，只係角落生物的限定Menu主要係插塊牌仔，痴個貼紙。無我上次去另一間同角落生物crossover cafe咁有心思，食野飲野都有杯墊、餐盒、杯可以拎得走。呢間就裝修上可以較打到卡。我只係角落生物的Menu內，點了兩杯飲品：麻雀三色咖啡，及蜥蜴蝶豆花藍莓沙冰。麻雀三色咖啡同Menu上樣差好遠，而且飲落都未到連所咖啡店的水準。原本以為以為有蜥蜴貼紙的蝶豆花藍莓沙冰，飲落係正常沙冰味道。食物就點了一份紅燒牛肉麵及鹽酥雞滷肉飯，味道一般，只係滷肉飯份量有點少。整體來講，都幾失望，如果佢再同crossover，我都未必再試。