影片
更多
2021-10-03
5833 瀏覽
星期日嚟中環食下好嘢，餐廳名叫「鮨政」，之前睇一些YouTube食評，話這間的$399壽司放題質素好好，所以一個月前訂咗枱。昨日我再上網做咗少少資料蒐集，發現大部份食客都唔係食壽司放題，而係選擇佢哋嘅午餐定食，所以我今日帶着充滿好奇和懷疑嘅心態試試呢一間餐廳。入到餐廳，傳統日式和風裝修，目測大約有25個位，店員好好給我們一個卡位，亦好有善咁問我哋係咪食放題，但我發現原來之前$399的壽司放題已經加咗價，所以我決定今日都係選擇食一個午餐定食，去試一試佢嘅出品，好味嘅先至再嚟食壽司放題。我今日食嘅係「特上壽司拼盤」午餐$174連加一，八件壽司+兩件卷物，再加茶碗蒸蛋，沙律，和麵豉湯。價錢上都算抵食。開始食評：沙律幾好味，爽口開胃。麵豉湯和茶碗蒸蛋唔夠熱，正正常常。八件壽司，質素最好嘅有帆立貝，吞拿魚，海膽壽司。質素中上嘅有油甘魚和香蔥吞拿魚腩。質素普通有活煮蝦，魷魚和三文魚。壽司嘅食材都係室溫，芥辣感覺溫和，餐廳用嘅米係來自北海道，我自己覺得壽司飯比較重黏性，味道不算太酸。總結：我最有印象係帆立貝同埋海膽。壽司飯比較重黏性，我自己覺得可以，但唔算喜歡。今次冇試到其他食評主要嘅推介「鰻魚壽司
昨日我再上網做咗少少資料蒐集，發現大部份食客都唔係食壽司放題，而係選擇佢哋嘅午餐定食，所以我今日帶着充滿好奇和懷疑嘅心態試試呢一間餐廳。
入到餐廳，傳統日式和風裝修，目測大約有25個位，店員好好給我們一個卡位，亦好有善咁問我哋係咪食放題，但我發現原來之前$399的壽司放題已經加咗價，所以我決定今日都係選擇食一個午餐定食，去試一試佢嘅出品，好味嘅先至再嚟食壽司放題。
我今日食嘅係「特上壽司拼盤」午餐$174連加一，八件壽司+兩件卷物，再加茶碗蒸蛋，沙律，和麵豉湯。價錢上都算抵食。
開始食評：
沙律幾好味，爽口開胃。
麵豉湯和茶碗蒸蛋唔夠熱，正正常常。
八件壽司，質素最好嘅有帆立貝，吞拿魚，海膽壽司。質素中上嘅有油甘魚和香蔥吞拿魚腩。質素普通有活煮蝦，魷魚和三文魚。
壽司嘅食材都係室溫，芥辣感覺溫和，餐廳用嘅米係來自北海道，我自己覺得壽司飯比較重黏性，味道不算太酸。
總結：我最有印象係帆立貝同埋海膽。壽司飯比較重黏性，我自己覺得可以，但唔算喜歡。今次冇試到其他食評主要嘅推介「鰻魚壽司」，我會再嚟多一次，品嚐一下依間餐廳的鰻魚飯定食。謝謝觀賞。
張貼
