名點屋 (已結業)

新店開張，平日中午去幫襯。1）有攞飛，排第一，但等了10分鐘也沒人帶位（入面空枱甚多），叫了侍應也扮睇唔到。😠2）座位勁迫，隔離太太離開時，半邊屁股掃在我台上才出到去。😱3）台上熱水只得1/3 壺，又唔熱，應該係上手留低。叫添熱水，只係從隔離台埋單拿過來 😵4）味道欠奉：釀茄子又水又乏味，叉燒腸又厚又韌，馬拉糕又粗又乾，桌上豉油汁似醋加水。5）在商場開店，竟然有蚊滋不停飛過。6）侍應執台、抹台戴藍色膠手套，上菜仍用同一手套「插」住碟碗咁上。希望今晚無肚疴，唔會再幫襯。