Unique Café & Kitchen (已結業)

今日本人正日生日,想話食好d d,上網見到呢間野評語唔差,諗住冇死啦就食呢間!點知就中招!首先,入坐,明明book左位 但似乎冇人幫我地留位,搞到好肉白撞入黎咁,都算!我係一名孕婦,咁多張檯唔比點解一定比d路中心既檯我地坐呢!?好容易撞倒,d位坐得唔舒服,坐低單點個天使麵同一份安格斯牛扒set,湯 &包 好食! 之後竟然係天使麵到先!都冇問題 ,天使麵食到一半 頭盤至到!頭盤難食!天使麵一般,個牛呢?? 食完以上食物等左好耐都未見,懷疑漏單,眼見其他遲黎過我地既人既餐都上得八八九九,而我地都仲等緊份牛扒,我認為我地等左差不多半個鐘,我已經黑哂口面!牛扒先到!仲要係唔好食 食唔飽!!因為已經餓得太耐,冇心機,連餐飲都唔要即埋單走人!個侍應好好心咁問我地駛唔駛送返兩杯飲品比我地..其實唔係咁架囉!我地杯餐飲冇落到都未問,係咪應該叫我地落左先?而唔係話送野飲比我地呢?等左咁耐,仲要咁難食,都算!仲要食唔飽!?我比500蚊出去得到咁既下場!只能說我活該!一開始我食完個天使麵就應該走,唔駛哂咁多時間係度等,仲要唔識做,明知客人有不滿,唔識留客人!優惠劵又冇電視框又冇,仲要埋單唔記得比返張低單我地