賞茶 (已結業)

係荃灣廣場行街，行到有少少口乾，見到呢間茶飲好多人排，於是就試下。睇佢menu ,相比起市面上既其他鋪頭，全部茶都算平，平均都平幾蚊左右，於是就俾佢吸引到。睇左一陣，決定左叫個近期好hit 既芝士奶蓋賞紅茶，睇下佢既芝士奶蓋好唔好飲。係等野飲期間，旁邊仲有位可以坐，算係唔錯。杯既包裝無得挑剔，好靚，好有特色，唯一壞處係睇唔到飲左幾多。但個蓋就好有問題，無窿俾人飲奶蓋，要打開個蓋先飲到。試左一啖紅茶，味道好正常。打開個蓋試試個奶蓋，好難飲，隻味道唔識點形容，可能係隻酵味太重，唔建議購買。