蛇王業

營業中

休息中

上年去左油麻地嘅星廚訓練學校食蛇宴，今年決心要去真正嘅蛇舖食蛇宴。幸運地好快集齊一班朋友剛剛好一圍(12人)，就BOOK左蛇王業落左1千蚊訂啦。星期一至四, $3588, 即平均一人$299太史五蛇羹兩鍋好足料，薄脆一大盒任你"不"，檸檬葉、醋、胡椒粉任用食左差不多3碗七彩炒蛇絲好多西芹，蛇絲相對比較少鮮炸五蛇丸好香口，重芫茜味椒鹽蛇碌其實我個人好鐘意食骨位，所以好岩我食，但食慣肉嘅朋友可能覺得麻麻因為全部都係骨位，冇乜肉趙。紅燒大山瑞好重骨膠原嘅一道食物，如果一諗到佢本身嘅咩樣既，好多人都唔想食，但係如果整到咁，又覺得好ＯＫ喎，好似羊腩或豬手咁嘅口感囉。生扣蛇腩唔太肥，比較瘦，普普通通啦～蛇汁時菜正常一道菜，因為都差不多完，個個都好飽，食唔落蛇汁貴妃雞雞唔太滑，而而個個食太飽，所以依碟要打包藥材龍鳳炖蛤蚧依個真係壓軸，阿姐會係旁邊幫我地盛係碗度，可能怕Ｄ人見到會驚，不過阿姐都會問有冇人想影相。好飲，有香濃嘅藥材味，飲完熱辣辣，仲飲左２碗添。每人3百蚊，個個食到飽一飽，仲可以打包埋，仲包１枝蛇酒，２枝啤酒同２枝汽水。幾抵食，係坐得迫左少少，希望下年再食過。