EXP

營業中

休息中

咁岩有兩張"金鴨"戲飛，走左嚟又一城同呀媽睇番場笑片笑下。睇完早場又係時候食餐晏仔。時間尚早，仲未到1點，見呢間入面好大，又開揚，人少少就入去試下。本身見有水牛芝士pizza想試下，但早餐都未消化完，驚食落。唯有下次留個肚先食。今次就叫左個南瓜栗子pizza。原諒我見識淺薄，未食過南瓜整嘅pizza。但食落又幾特別，南瓜薄片烤過後食落冇左南瓜陣味，反而有陣好淡嘅蕃薯味。加上栗子同埋黑椒，三樣野好夾，好岩唔食濃味pizza嘅人，值得推介。份量嚟講兩個人食一個就夠飽。仲叫左個墨魚汁意粉，墨魚汁都算多，帶子ok。味道就不過不失啦。