影片
更多
2014-09-04
2761 瀏覽
黎秋田食飯我較鍾意坐壽司吧，可以睇到師傳既手藝，又可以見到好多 menu 上面無既時令鮮魚呢 ﹗好多海魚既名都未聽過，宮崎石鯛、相馬皮剝魚、宮崎島池魚、勝浦金目鯛。最左邊既魴鮄魚，好似六角形咁架，記得係某套講壽司師父既日劇見過呢，但暫時未有機會試試係咩味道。跟住既係真明聖同系撚鯛都未食過，亦從未聽過囉。一小部份既鐵板燒價目表，終有一日我要試 HKD1680 既 16 安士霜降神牛架 ﹗食左咁多次鐵板燒後，發覺唔係款款都啱口味，都係鍾意食刺生多啲。依家大多都係主要食刺生、壽司，另外再叫一兩款鐵板燒食。師傅送既前菜小吃，鮮淮山、酸喬頭、酸蘿蔔、帶子裙邊，多謝晒，好好既開胃菜。蟹膏豆腐，用蟹膏跟黃豆做成既豆腐，清香既蟹膏味加上滑豆腐，配埋清甜青瓜同鱈魚籽，好好味 ﹗機乎每次都會 order，推介 ﹗富士蘋果鱈魚籽沙律，富士蘋果絲跟青瓜絲撈埋一齊食，清甜爽口又多汁，配上沙律醬同蟹籽好醒胃 ﹗刺生併盤松，龍蝦、極上吞拿魚腩、珍寶帶子、池魚、油甘魚、鱆紅魚，全部極上食材，邊有得輸呀 ﹗超美味啦 ﹗佈置近乎藝術品般 ﹗活龍蝦刺生，晶瑩通透既龍蝦肉，清甜無比，口感滑而彈彈的，想成條自己食晒添呀 ﹗哈哈
一小部份既鐵板燒價目表，終有一日我要試 HKD1680 既 16 安士霜降神牛架 ﹗食左咁多次鐵板燒後，發覺唔係款款都啱口味，都係鍾意食刺生多啲。依家大多都係主要食刺生、壽司，另外再叫一兩款鐵板燒食。
師傅送既前菜小吃，鮮淮山、酸喬頭、酸蘿蔔、帶子裙邊，多謝晒，好好既開胃菜。蟹膏豆腐，用蟹膏跟黃豆做成既豆腐，清香既蟹膏味加上滑豆腐，配埋清甜青瓜同鱈魚籽，好好味 ﹗機乎每次都會 order，推介 ﹗富士蘋果鱈魚籽沙律，富士蘋果絲跟青瓜絲撈埋一齊食，清甜爽口又多汁，配上沙律醬同蟹籽好醒胃 ﹗
刺生併盤松，龍蝦、極上吞拿魚腩、珍寶帶子、池魚、油甘魚、鱆紅魚，全部極上食材，邊有得輸呀 ﹗超美味啦 ﹗佈置近乎藝術品般 ﹗活龍蝦刺生，晶瑩通透既龍蝦肉，清甜無比，口感滑而彈彈的，想成條自己食晒添呀 ﹗哈哈 ﹗極上吞拿魚腩，就係依隻粉紅色喇 ﹗魚油最豐富、最肥美既部份 ﹗甜到不得了，入口即溶唔洗趙，極香極滑，頂級質數 ﹗珍寶帶子，好少話唔好食 ﹗天然既香甜味道，棉棉滑滑送入口，餘香非常。池魚刺生，雖然味道偏淺，但肉質嚥韌彈牙有趙口。油甘魚刺生，我的最愛 ﹗魚油澎湃，魚味濃濃的，質感又滑又棉。鱆紅魚刺生，口感跟池魚差不多，只係腍少少，而甜少少。成個併盤質數超水準，無得彈 ﹗
一個刺生併盤點可能滿足到我呢 ﹗再黎 ﹗佐賀牛刺生、象拔蚌、活赤貝、牡丹蝦，第二件藝術品同樣出色，好靚啊 ﹗佐賀牛就咁食會有點淡口，但配上酸酸甜甜既秘製醬汁，牛味非常突出，脂肪香甜味美，質感軟棉棉，食唔停口，正呀 ﹗原隻象拔蚌刺生，切成條狀口感特別爽口，濕潤又黏黏的，味道超級鮮甜 ﹗原隻活赤貝刺生，跟普通赤貝完全兩回事，即開即食櫪度新鮮，香甜滑溜而邊位爽脆，梗係好食啦 ﹗特大牡丹蝦真係好巨形，非常新鮮，質感爽而帶黏性，鮮味無窮 ﹗蝦頭同樣巨形，注滿蝦膏非常甘香呀 ﹗全部滿分 ﹗
海膽壽司，嘩 ﹗頂級馬糞海膽滿到瀉呀，唔會孤孤寒寒，勁足料 ﹗好澎湃呢 ﹗成舊一啖啪入口，紫菜香脆、海膽鮮甜甘香充滿整個口腔 ﹗回味再回味呀 ﹗壽司飯軟硬適中又乾爽，飯粒嚥韌飽滿，size 剛剛好 ﹗有飯香，只係略為酸左少少。
漬物螢光魷魚，上次食過十分鮮甜肥美又多汁，爽口彈牙，非常回味，不過今次有點失手喎。醃得過左火，味道太濃而略咸，跟青瓜同吃還免強頂得住，可以減低一點咸味，還可以啦。顏色稍深，肉質有點塌，唔夠霆，新鮮度似乎差一點點。
龍蝦麵豉湯，將剛才做刺生剩低既龍蝦頭滾個靚湯 ﹗頭、鉗、腳仍有少許龍蝦肉非常爽甜，梗係食埋去啦 ﹗龍蝦殼不硬，腍腍地，一咬就開。如果做鐵板燒會將所有蝦頭內既膏取出做汁，但今次係做刺生，所以蝦膏仍然保留著一齊煲湯，所以味道特別甘香濃郁，好正呀 ﹗麵豉湯香濃帶海鮮味，但要趁熱飲呀，凍左會有點咸呢。
香煎牛油銀鱈魚，我食飯好鍾意 1 part part 分開，有條理地慢慢嘆。由頭盤前菜、小食、刺生、壽司，食到最後鐵板燒喇 ﹗銀鱈魚切得薄左少少，厚一點更能鎖住肉汁。煎得好香口帶淡淡牛油味道，肉質嫩滑又多汁，好味道，轉眼食晒喇 ﹗
A5 松阪牛扒 5 成熟，一坐低已不停地考慮食唔食千七蚊塊既 A5 霜降神牛架喇 ﹗食我最捨得，但最後都係揀左次一級既松阪牛七百蚊，終有一日我會黎試您既神牛架，一定 ﹗日本牛既牛味比美國同澳洲為淡一點，但質感就非常滑溜軟棉棉又肥美。每次食鐵板燒都感到調味太多，有點膩，下次試下要求只落鹽同胡椒先。A5 松阪牛扒跟即炸蒜片同食，好香口 ﹗一邊脆一邊軟棉，口感特別。牛扒棉滑多汁，Good ﹗
幻之真珠 ﹗食飽飽預備埋單之際，店長主廚特然推介生栗米，起初以為要比錢，原來請我地試食，當然要試啦 ﹗雪凍左，冰冰涼涼味道超甜，味道同質感都好似馬蒂呀 ﹗但甜味更香更濃 ﹗我心諗係白玉超甜生栗米，詢問下，師父稱之為幻之真珠，menu 見到都唔知係咩啦 ﹗做甜品都可以。
張貼
