奈良上釜 (已結業)

上一次係奈良食釜飯已經係一年前嘅事, 由於太掛住果個釜飯嘅味道, 所以就去試下e間奈良上釜, 順便懷緬一下😊 。同朋友book左8點半食, 一入到去已經有張枱reserved左比我地。由於間鋪唔太大間, 所以枱與枱之間都比較近。我地一心諗住食奈良七盛釜同蟹盛釜, 但可能我地太遲, 所以已經售罄😭😭 最後我同朋友就叫左一個極上釜飯, 一個海膽釜飯同一個海膽天婦羅😊😊🤗🤗😋😋頭盤同前菜豆腐, 酸蘿蔔同魚仔都不過不失, 正常味道, 茶碗蒸嘅蛋好滑, 料都算多嘅, 味道亦唔錯😋頭盤刺身刺身味道都係正常嘅~海膽天婦羅味道還好, 無太大驚喜, 但炸得ok而且係幾熱嘅~極上釜飯🍱釜飯嘅份量都ok, 飯焦都香脆, 鰻魚同蟹肉🦀都好食,但🐔嘅味道就有少少淡。佢另外仲有一小碟三文魚子比你撈落d飯到, 好味道😋朋友果個海膽釜飯味道都唔錯嘅, 有幾多海膽鋪面, 不過小妹都係比較中意食生嘅海膽多d🙈🙈