曜 (已結業)

揀咗時令的午市套餐，有包主食、前菜、茶碗蒸、魚湯，味道好👍🏻值得推介～前菜係花膠果凍，賣相精緻，果凍好有彈性，味道清新有趣～魚湯呈現奶白色，飲落冇腥味，飲完成個口充滿住魚香及鮮味🤩蟹黃磯煮鮑魚伴日本花山烏冬($268)店員介紹鮑魚用咗鮑魚肝去煮，好香而且肉質唔韌好爽口～而蟹肉係由松葉蟹、毛蟹、大閘蟹製成，好多蟹肉蟹膏，蟹味非常濃郁😋😋 花山烏冬較特別，闊5cm，夾起身較順滑，食落有少少煙韌；撈埋蟹肉食好奢華嘅感覺😆茶碗蒸又係好好味，蒸蛋超級嫩滑有蛋香，連埋一絲絲嘅蟹肉一齊食非常鮮甜🤤，再加埋底層嘅栗子蓉食，口感豐富～