Cocina 3 Tapas Restaurant & Bar (已結業)

去完奧運站的奧海城購物之後，想搵一處地方靜靜地食個晚餐，就揀咗喺奧海城第三期嘅Cocina 3了。一入到去佢就送上小食開個胃先，脆脆地都唔錯㗎。之後打開餐牌見到都有唔同嘅嘢食，有小食有扒有海鮮有意粉等等。就一於叫一味豬仔脾，一味牛扒加埋雜果賓治試吓啦。陳醋燴豬仔脾我相信佢嘅品種係西班牙煮法的豬仔脾，見到佢既火候預得啱啱好，剛剛熟晒，一啲都唔會鞋口，這是一碟成功嘅豬仔脾非常重要的一環。另外也調味得不錯，咬落去都好juicy，推介! 澳洲牛肩胛和牛另一樣推介之選，估唔到佢配合得十分不錯，和牛絕對唔會太過硬或者太過咸，厚切大大件，大約七成熟，有牛味之餘又有口感，正!雜果賓治最後送上餐飲一路食一路傾一路飲，悠閒地透過門口望着出面街上匆匆忙忙的遊人，相映成趣，成就了愉快的一餐。