影片
更多
2022-09-26
175 瀏覽
第二次到女人街食飯公司，上次主要食香口煎炸嘢，今次就試吓幾道大排檔特色菜。蝦子豬油渣撈麵第一道竟然上咗主食先😂右下嗰pat 豬油真係極邪惡，不過正正係呢碟麵嘅精粹。粗麵尚算彈牙，香滑油潤，配上芽菜嘅爽脆、蝦子嘅鹹香，令人一口接一口停唔到。不過可能裡面嘅豬油渣放得比較耐，會有陣油膱味，有啲扣分。金銀蛋浸菠菜又一道比預期中早咗上菜嘅菜式，不過不失，非常多肉碎，有原粒炸過的蒜頭，味道濃郁。屋村三鮮生腸、墨魚、雞腎，夠入味，喺有冷氣嘅地方食肥姐。一口臭豆腐臭味雖然比起街邊嗰啲仲差少少，不過因為細細粒，炸嘅面積比例較多，夠哂香口。金沙炸魚皮無得輸，送酒一流，鹹蛋黃份量好足，忍唔住一口接一口。杜小月櫻花蝦炒飯飯粒夠乾身，不會油淋淋，用蛋白炒飯，櫻花蝦嘅鹹香十足。古法豉油王鵝腸去除大部分肥膏，口感爽脆所以多食都唔會有負擔感，醬汁鹹甜鹹味，非常開胃。鐵板黑椒原隻豬手一上枱就「喳喳聲」，好夠熱，有啲愛文生嘅影子，不過份量細啲，黑椒汁味好濃，豬手非常入味，肉質軟稔，適合送酒。辣酒煮花螺失望，得個辣，連鹹味都冇乜，好攪笑地有粉絲鋪底，花螺唔夠新鮮，有陣怪味。炸嘢方面水準較好，下次再來試吓其他海鮮菜式睇吓可唔
蝦子豬油渣撈麵
第一道竟然上咗主食先😂右下嗰pat 豬油真係極邪惡，不過正正係呢碟麵嘅精粹。粗麵尚算彈牙，香滑油潤，配上芽菜嘅爽脆、蝦子嘅鹹香，令人一口接一口停唔到。不過可能裡面嘅豬油渣放得比較耐，會有陣油膱味，有啲扣分。
金銀蛋浸菠菜
又一道比預期中早咗上菜嘅菜式，不過不失，非常多肉碎，有原粒炸過的蒜頭，味道濃郁。
金銀蛋浸菠菜
19 瀏覽
0 讚好
0 留言
屋村三鮮
生腸、墨魚、雞腎，夠入味，喺有冷氣嘅地方食肥姐。
屋村三鮮 (生腸、墨魚、雞腎)
13 瀏覽
0 讚好
0 留言
一口臭豆腐
臭味雖然比起街邊嗰啲仲差少少，不過因為細細粒，炸嘅面積比例較多，夠哂香口。
金沙炸魚皮
無得輸，送酒一流，鹹蛋黃份量好足，忍唔住一口接一口。
杜小月櫻花蝦炒飯
飯粒夠乾身，不會油淋淋，用蛋白炒飯，櫻花蝦嘅鹹香十足。
古法豉油王鵝腸
去除大部分肥膏，口感爽脆所以多食都唔會有負擔感，醬汁鹹甜鹹味，非常開胃。
鐵板黑椒原隻豬手
一上枱就「喳喳聲」，好夠熱，有啲愛文生嘅影子，不過份量細啲，黑椒汁味好濃，豬手非常入味，肉質軟稔，適合送酒。
辣酒煮花螺
失望，得個辣，連鹹味都冇乜，好攪笑地有粉絲鋪底，花螺唔夠新鮮，有陣怪味。
炸嘢方面水準較好，下次再來試吓其他海鮮菜式睇吓可唔可以扳回一城。
張貼
