篤篤車 (已結業)

今日去左波鞋街買鞋，買完過來女人街呢邊有間篤篤車仔麵。餐廳唔算太大，但座位舒適，燈光明亮。點左一個套餐三餸麵+小食+菜$81，另外加一碗三餸麵，網紋春卷，吉列炸蝦餅和2枝飲品。三餸麵蘿蔔好淋又入味甜甜地，豬皮又入味，咖喱魚蛋又唔辣又彈牙用，冬陰公湯底好香濃又唔會辣，配上米粉吸上湯的精華好味道。三餸麵牛肚夠淋又香濃，豬紅又彈，墨魚丸爽口彈牙，鱷魚湯底好特別，又幾鮮甜。金銀蒜菜芯，菜芯炒到好碧綠，又唔會太淋，蒜蓉味香濃。泰式鳳爪，鳳爪好爽彈，酸酸辣辣幾開胃。網紋春卷，炸到金黃色，外層鬆脆，內里材料豐富。炸蝦餅幾彈牙。