Thai Fire

今日食lunch發現到觀塘一間幾正既泰菜呀！環境好舒服，而且座位夠闊落！我地叫左個泰式魚餅、豬頸肉喇沙、咖哩牛肋條！個泰式魚餅口感彈牙，裡面加左蔬菜粒增加脆脆口感，另外有一層好香既香料味道，魚肉又唔會腥，好正！豬頸肉喇沙個喇沙湯微微辣，湯底夠濃郁，豬頸肉整得夠香！咖哩牛肋條煮得夠腍，咖喱汁好滑帶椰香！所有既主菜都好好味，佢地既飲品同甜品帶來更多驚喜！牛牛奶茶沙冰有一隻可愛牛牛既奶茶冰放喺上面，茶底係泰式奶茶，另外仲有熊熊蝶豆花，上面有熊熊造型嘅冰塊，下面就係顏色勁靚嘅蝶豆花飲品，味道同打卡都一樣咁正！最後就係甜品，係彩虹糕，真係好靚好有心思呀