牛奶冰室

營業中

休息中

服務態度/食物質素都好一般既茶記門面幾靚仔既，大大隻字寫住西多士，就即刻想入去食。點知去到門口想堂食就企係排隊個牌旁邊，拎晒啲針卡出黎，望住入面既店員完全唔so人，等左好耐先見個店員拎外賣俾客就同佢講想堂食，咁就掃卡隨便坐。QR code落單，點知無得揀蛋撻之類，叫左好多個店員先話可以幫手落，另外仲叫左個經典西多士茶餐，樣子正常，蜜糖得好少，熱檸茶係無檸檬既。西多炸完都無蛋脆邊，唔多香口，佢係由三塊方包組成，所以有兩層花生醬，好可惜個花生味唔係咁出。整體黎講食物質素屬正常，唔係好食，但未至於難食，服務都一般，可能假期少左人返工掛。