Salamat Cafe (已結業)

平時weekend成日見呢間小店有人喺出面排隊，今日星期日12點左右難得見到有位，即刻入嚟試吓食brunch。見到隔離枱份all day breakfast 超級豐富，所以叫咗份嚟試。先嚟一碗意大利牛肝菌湯，連個湯都做埋拉花，打咭一流！飲落口感濃郁，一早有個暖湯落肚，好滿足！之後到主角all day breakfast。食過咁多間cafe, 呢間最抵食！$108少數有2隻Benedict蛋，加煙三文魚同多士一齊食，口感好match；腸仔煙肉呢啲咸料再配哈密瓜同沙律菜，好清新！最出色係塊薯餅，外面炸到脆卜卜，入面薯仔竟然唔乾身，略嫌太細塊添！薯餅配茄汁豆，一絕！再配一杯咖啡，飲得出用心揀過嘅咖啡豆，同一般cafe好唔同。小店店面雖然唔多位，全程見到有人喺出面等位，下次要再嚟試其他主菜。