火舞町 (已結業)

見新假期拍條片好似幾吸引嚟咗食， 點知伏爆，由頭到尾冇一樣好食。一開始佢送嘅拖羅已經好腥， 明太子芝士玉子 根本係炒蛋皮包住裏面有好多醬汁，蛋嘅比重好少， 和牛粒炒飯好細碗，完全冇味 又唔好食，食唔出和牛味。 最唔得係個關東煮， 叫咗油豆腐蘿蔔 年糕福袋牛筋， 超級無敵淡好似白烚咁， 牛筋又唔淋肉又乾又冇味， 真係好唔得。 咁好啦去到主菜大阪燒加麵， 真係好普通完全食唔出乜嘢叫做秘製醬汁，認真Donki賣幾十蚊嘅大阪燒炒麵仲好食過佢哋， 咁好啦最後叫左個雪葩 一百蚊一個， 以為乜嘢雪葩會好靚咁巴閉要成一百蚊一個，點知勁普通囉一個超小迷你菠蘿皮裏面有雪葩，冇乜特別，完。 我對於呢間嘢真係不可一不可再， 可能係我對食物有要求啦， 但我真係唔鍾意食呢間嘢🫠🫠🫠大家去前真係要諗諗先。