Orange Elephant Thai Restaurant (和富) (已結業)

成年無去過旅行，真係好掛住泰國。咁知道北角新開左依間橙象，所以就去試下。咁依到好大好闊，坐得好舒服。咁睇完menu，真心好多選擇，見到佢每日都有個$1既today special，咁我當然要試下啦。今日星期三，加＄１要左個酸辣去骨鳳爪沙律。本身以為＄１唔會大碟得去邊，點知係正常size。佢好入味，酸中帶甜再加少少辣，所以係好開胃，你係會不停想食！好彩佢份量夠多，所以好夠食。個隻味真係好有泰國既味道。冬陰公湯底明爐烏頭魚。條烏頭好大條好滑，係岩岩好離骨，仲要係大小岩岩好放得哂，最正既係佢放左Ｄ香茅係底，所以煮到條魚有冬陰既香辣再加香茅既香。之後都有好多菇，成件事好夾。之後再比多碗冬陰湯比我，飲落個味完全唔hea，係真係自己煮，好夠味！咖喱海鮮脆包盅。咖喱係正宗泰式咖哩，好彩佢唔係好辣，仲要加左Ｄ蛋，成件事即刻昇華左。之後佢入面有青口，蝦，魚，全部都好入味，加埋咖哩真係一流。個包唔會太硬，切細佢之後再點咖哩食又係一絕！椰汁珍多冰同埋特選椰青。椰汁珍多冰唔會太甜，唔會太假，好有椰香，珍多冰唔會太甜。而個椰青真心一流，好清甜好fresh，飲哂之後再食埋D椰肉，真係好想去泰國!