小田料理 (已結業)

位於西灣河碼頭旁邊，入到去餐廳感覺有趣，好似坐喺隻船上面食嘢咁樣；如果咁啱有船泊岸，仲會係泊正你隔離添芝士春卷前菜係3條芝士春卷，有啲似翰騰閣嗰隻小食；一條超迷你春卷，入面嘅芝士唔係流心嘅，而係硬心芝士，都有啲芝士味不過唔算香濃；不過春卷本身都算炸得鬆脆雜錦魚生飯 （＄120）大概有4片青瓜、5件三文魚、4件八爪魚、2件吞拿魚、2件油甘魚飯、上面有三文魚子，魚生新鮮，份量亦都算慷慨；飯加咗赤醋及特製醬汁，突出咗香氣及舌頭上嘅回甘，飯口感較黏牛肋肉飯 （＄95）牛肋肉偏瘦所以比較韌，冇入口即溶嘅感覺，不過牛肉味算香濃；白飯亦都係較黏，撈紫菜碎、蔥絲、蘿蔔絲及洋蔥醬汁一齊食非常可口，有幾重口感，不過醬汁可以再多啲啊！鰻魚飯 （＄105）店員大力推薦，鰻魚的確比其他餐廳嘅厚身而且大塊，不過燒得有點過火，以致魚皮有啲燶，浪費咗！不過啖啖肥肉，再配合醬汁，係真係好味喎！吉列黑豚煮蛋飯 （＄95）大概有7件吉列黑豚，每一件都炸得金黃色，而且炸皮夠薄豚肉夠厚身，一咬充滿肉汁唔會皮肉即刻分開，豬肉味濃冇腥臊味；飯面有半熟嘅煮蛋，口感十足，撈埋汁整個飯都會變得濕潤咖啡餐飲贈送咖啡或汽水，如果有奶茶咁就會