媽咪雞蛋仔 (已搬遷) 新店位置

今次又係一心想嚟食黃金雞蛋仔(即係咸蛋黃雞蛋仔)。上次去旺角嗰間媽咪雞蛋仔，先知道旺角分店原來係冇黃金雞蛋仔呢款口味😟今次嚟到紅磡嘅媽咪雞蛋仔，原來是日暫停供應黃金雞蛋仔😟我諗我同佢都係注定冇緣份😂不過都係嗰句，一場嚟到，都冇理由乜都唔食就走姐😂就叫其實我都幾想試嘅芝士雞蛋仔啦🧀🧀食落果然同大家講嘅一樣，芝士雞蛋仔味道同RITZ芝士餅真係好似😂😂加上粒粒雞蛋仔之間嘅連接位(get唔get到我講咩位😂🙈)整得脆到好似餅乾咁😛所以根本就真係食緊芝士餅嘛🤣但一次過食太多會覺得有啲啲咸🤣係幾好食嘅，不過記得趁熱食快啲，唔係入面嘅#芝士 凍咗會變硬😛特別想講，之前食過恆發嘅雙重芝士雞蛋仔，就只係普通雞蛋仔加兩片正方形嘅片裝芝士🙈所以媽咪雞蛋仔嘅芝士雞蛋仔真係有誠意好多😛