勝八居酒屋 (已結業)

和兒子兩個人，一直都好想帶佢黎，趁暑假，終於成事。做完手術唔食得生，無關係，熟食選擇一樣多，好味。美國牛肉薄燒定食 $108碎葱吞拿魚海膽飯 $138前菜有沙律菜，醬茄子，配櫻花蝦味噌湯。好耐冇試過午餐嚟，真係俾佢嘅份量嚇親，有乜理由咁嘅價錢比咁高質素同埋咁多份量？魚生飯我冇食所以我唔寫。我嘅牛肉薄燒裏面塞滿左切碎嘅青蔥，炸過嘅蒜片，牛肉只係用鹽，胡椒調味，最重要係半碟嘅酸醋醬油，一份有八大舊！配埋碗白飯。真係不得了！性價比，極高！