嚐麥手作

營業中

休息中

新蒲崗又喺一個極少到訪嘅區域，若非友人調職到新蒲崗工作，又若非友人送上一小袋曲奇，真喺唔多會有咩食評寫呢區。多謝好友厚愛，不時送上點點心意，今次喺麵包小店「嚐麥手作」嘅出品。初時收到份曲奇，睇招紙，以為間店叫「嚐麥作手」，但上番網先搵到應該喺「嚐麥手作」，搞到唔肯定邊個名先啱！「嚐麥作手」嘅熱爆招牌產品喺抹茶忌廉包，而收到友人嘅小禮物喺抹茶曲奇。曲奇嘅色澤深綠，外表無咩花巧，然而，入口頗鬆脆，而且，抹茶味非常突出，茶香得嚟帶微微甘苦，感覺好足料，搞到真喺心思思想試試佢嘅抹茶忌廉包。雖然只喺一小包曲奇，唔單蘊含友人嘅心意，亦蘊藏餅廚嘅心思。