古法烘焙 (已結業)

提起「古法烘焙」呢個本土品牌，都好耐無食過佢哋嘅產品，當期時最欣賞佢哋嘅牛油楓葉批、杏仁批、黑糖馬仔，以及最早期以賣雞蛋仔為主打嘅肉桂提子夾心雞蛋仔。不過，印象中，叉燒批、豆沙老婆餅算喺失敗之作，唔喺難食，喺麻麻哋啫。反而，後來知道佢哋出咗啲牛油曲奇（其他早期都有賣，但就唔喺主打），卻喺未試過，屋企最近收到其中一份賀年禮物就喺佢哋嘅4mix曲奇，不過，就唔知會唔會親友誤以為喺「珍妮曲奇」嘅出品而買錯。一打開個罐，牛油味好勁，澎湃咁湧出嚟。4mix曲奇嘅口味包括牛油曲奇、咖啡曲奇、牛油酥餅及提子燕麥曲奇，密密麻咁整齊排列晌罐內。牛油曲奇外觀喺唧花造型，唧得幾靚仔工整，入口口感極為鬆化，而牛油味則非常濃郁。咖啡曲奇同樣喺唧花造型，咖啡味都算突出，帶微微苦味而少甜，口感同樣以鬆化為主。牛油酥餅蘇格蘭牛油酥餅（Shortbread）較少接觸，應該會喺硬硬哋，但佢就似啲牛油曲奇咁較鬆化，牛油味就收斂啲。提子燕麥曲奇以咖啡曲奇底再混入燕麥同提子，咬落脆口，但燕麥、提子就極之少，食咗都唔覺，不過，奇怪在成份表內無話呢款曲奇加入咖啡成份。無疑會跟「珍妮曲奇 」去比較，不過，着實好耐無食過「珍妮曲奇 」