亞萊嘜嘜 (已結業)

踩完單車，一行六人搵野食，見到呢間泰國菜好似唔差。入到嚟環境好有泰國風味，座位都算唔錯，空間夠大。首先上咗生蝦，個汁幾好食，酸酸地，好開胃。個冬陰公湯有驚喜，大大煲六個人可以飲兩碗。當然唔少得要串燒啦，串燒價錢唔算太貴，用了好夠食下都幾好味。跟住我哋再叫咗兩個菜，啲菜油左少少，不過味道好夠唔算太鹹。之後再嗌左個黃咖喱牛肉波再加埋泰式薄餅。薄餅都係由左少少同埋有啲凍。不過整體上都算好好食。叫咗兩杯嘢飲有珍多冰同芒果沙冰兩個都合理。六個人埋單每人150到～都算唔錯，食得飽又傾到計，近地鐵站都幾方便。