凱施餅店 (已結業)

尋晚買左一個朱古力慕絲甜品做飯後甜品和一個原味芙蓉蛋糕做今天早餐~ 先講朱古力慕絲，這個朱古力慕絲甜品口感好幼滑，朱古力味好香濃，又唔會好甜，所以一點也不覺得甜膩～食食下仲有啲焦糖味布甸口感的東東夾在中間，唔會成舊都係得朱古力慕絲咁悶，底部以薄薄一層朱古力海棉蛋糕墊住，層海棉蛋糕都鬆軟，成件都好好味！只係$12，我覺得好抵食！今早食左原味芙蓉蛋糕做早餐~ $7.5價錢合理~ 口感鬆軟濕潤，白白地色似足一舊棉花~ 味道都好香，輕帶雲尼拿味~ 一樣唔會好甜~ 好味！而且有獨立包裝又方便！