Woods (已結業)

咁岩同朋友行開旺角, 見午餐時間餓餓地就四圍搵好野食～ 行過見間餐廳裝修得幾靚，又有啲明星合照，於是就入去坐低試試啦lunch 平均近100一個，有沙律餐湯麵包主菜及餐飲，加15蚊有是日甜品。 本身我地就想揀兩份牛扒，但侍應哥哥極力推介西班牙烤乳豬，話係招牌菜，所以就試下。沙律係醃黃瓜同蘿蔔。蘑菇湯幾濃，可以再香啲。要讚嘅係個包係熱的，如果烘脆更加好推介的烤乳豬果然唔錯。啲皮好脆，又唔會覺得太油膩。乳豬肉好嫩，唔諧身。有豬肉香同埋醃得幾好食，唔使點醬都好好味 另外個牛扒就好一般了。似去茶餐廳食牛扒，有得配黑椒定蒜蓉汁。肉質偏冧，亦唔太香，好彩無叫兩份牛扒。最後侍應哥哥好好人咁送多左份蛋糕比我地 哈哈普通蛋糕啦，但左邊個藍莓醬幾好味。