吉野家 (已結業)

第一次來這間旗艦店的吉野家食飯, 要落樓梯到地庫的，發覺原來這間吉野家面積好大，而且裝修好似真係寧舍靚同埋乾淨，連員工都特別多！眼見枱枱都係食火鍋，香氣撲鼻，我和朋友都叫左一人一個芝士竹輪鍋， 仲追加響鈴同埋加大汽水 將食物搬到枱上後， 很快就有員工搬上爐和點火了，平時在其他吉野家店吃通常都要等幾分鐘的！ 服務好又快！湯底選了日式濃湯，這間分店的湯底好像特別濃郁，不錯！鍋入面有金菇，紹菜，冬菇，腐皮角，粟米，南瓜，豆腐，蟹棒等等，很豐富，還有另一碟肥牛，份量蠻多的，不過主角芝士竹輪就只有一粒　這間分店的火鍋餸都好似特別好咁，有好大粒冬菇　還有一碗已經煮熟的烏冬，幾彈牙！吃烏冬的時候加湯和芝麻醬，好好吃呢！下次都會黎呢度食！