滷府 (已結業)

呢排做完嘢都好想食下啲有心機嘅外賣，因為太忙自己都冇時間整。最近上網見到原來鰂魚涌都有啲高質嘅外賣店㗎，見我嗰日好想食啲滷水嘢，所以今次就想介紹下一間位於鰂魚涌嘅滷水外賣專門店，間餐廳叫做滷府。睇到個名就知道同滷水有好大嘅關係啦。我嗰日就叫咗兩款滷水食物返屋企試吓，首先就介紹吓佢嘅慢煮特調滷水雞，我嗰日就叫咗半隻。但係冇諗過半隻來講個份量都幾多㗎，同埋餐廳滷水雞嘅色澤真係好靚，大家睇到塊雞皮就知道啦。識落都好入味，滷水嘅味道完全係成為左雞嘅精華。另外想介紹第二樣嘢就係滷水鵝腸，鵝腸食落彈牙，一樣有好開胃嘅滷水味喺入邊。用嚟送飯簡直一流，如果大家鍾意食滷水嘢嘅就唔可以錯過啦。絕對唔會令你失望架。